LIZARRALDERAKO PROIEKTU BERRIAK HJTParen baitan

Lizarraldeak eraldaketa sakona hasi zuen bere burua mundura proiektatzeko eran. Ardatz estrategiko horrek aukera eman du lurraldeari prestigiozko identitate bisual berria eta abangoardiako tresna teknologikoak emateko, gure lurraren esentzia bidaiari digitalarekin konektatzeko diseinatuak. Helburua argia da: promozio sakabanatua alboratzea, irudi kohesionatua, lehiakorra eta Lizarraldearen jasangarritasun eta benetakotasun balioekiko leiala zabaltzea.

Marka Turistiko Berria eta Identitate Bisuala

Helmuga eta bere marka turistiko guztiak irudi kohesionatu eta ahots bateratu batez hornitzen dituen aterki marka berri bat, lurralde bezala duen potentzial izugarria proiektatzeko gai dena, berezko nortasuna duena eta masifikaziotik urrun dagoena. 

Kanpainaren amua, “Norbera galtzearen kemena, norbera aurkitzearen gozamena“, bidaiatzeko modu pausatu eta kontzientea definitzen du, naturarekin, historiarekin eta tokian tokiko bizitzarekin harremanetan. Identitate bisual berri horrek Identitate Korporatiboaren Aplikazio Onenaren ANUARIA 2025 Saria jaso zuen.

Marketing Plana

Estrategia berri bat, aipatutako marka-identitate berria proiektatzeko, lurraldeari ahots bateratu eta lehiakorra emanez, Lizarraldearen esentzia historiko eta naturala balioesten duen bidaiari kontzientearen profila erakartzeko.

Plan hau bidaiari garaikidearen ohiturei erantzuteko diseinatu da, zeinak bere esperientzia %100ean modu digitalean bilatzen, planifikatzen eta partekatzen baitu. Bertan, Lizarraldea natura, kultura eta enogastronomian erreferentziazko helmuga gisa kokatzeko tresna eta kanal giltzarriak definitzen dira, turista hiperkonektatu eta kontziente baten arreta erakarriz eduki inspiratzaileen, segmentazio adimendunaren eta online presentzia bateratu eta lehiakorraren bidez.

Dagoeneko aktibo daude gure kanal ofizial berriak. Jarraitu gaur bertan, sustapen-kanpainen berri izateko, komunitatearekin elkarreraginean aritzeko eta helmugaren zabalkundeaz baliatzeko!

Plataforma Digital Turistiko berria

Lizarraldeko helmuga turistikoko plataforma honek eskualdeko eskaintza turistiko guztia bateratzen du, ekosistema digital lehiakor, zentralizatu eta inspiratzaile beraren pean.

Plataformak hainbat funtzionalitate integratzen ditu leku bakarrean, hala nola, irudi-banku integratu bat (DAM), mapa interaktiboak, txatbot, ekitaldien egutegia; horrez gain, ostatatze, ostalaritza eta jarduera zerbitzuen eskaintza zabala du, tokiko enpresak bertan sustatzeko aukera izan dezaten.

Plataformaren parte izateak negozio bakoitzari ekarriko dio:

• Helmugako web ofizialaren barruan bere ikusgarritasuna handitzea.
• Eskualde mailako estrategia koordinatu eta profesional batean integratzea.
• Marka berriarekin lotutako sustapen eta marketin ekintzez baliatzea.
• Lurraldearen posizionamendu jasangarriarekin eta esperientziarekin bat datorren irudia eskaintzea.

Lizarraldeak erreferentziazko helmuga izan nahi du zikloturismoan eta mugikortasun jasangarrian, lurraldea patxadaz eta errespetuz ezagutzen lagunduko duten azpiegituren aldeko apustua eginez. Hurrengo ekintzek eskualdea egituratu nahi dute sare konektatu, seguru eta kalitate handiko baten bidez, bertatik oinez zein bizikletaz ibiltzen direnen esperientzia hobetuz.

Jarduera Orokorrak

Funtsezko azpiegiturak hedatuz eta mugikortasun gogotsuko produktuak sortuz, esku-hartze horiek lurraldea egituratzen dute, esplorazio autonomoa eta segurua errazten dute, eta eskualdea Europako erreferente gisa sendotzen dute natura-turismoan eta zikloturismoan.

Bidexka Sarearen eta Bizikleta Ibilbideen Diseinua eta Seinaleztapena

35 ibilbide tematiko berri baino gehiagoko sarea definitzea, diseinatzea, egokitzea eta seinaleztatzea, Lizarraldean lehendik zeudenak homogeneizatzeaz gain.

Eskualdeko baliabide turistiko nagusiak lotzen dituen ibilbide-sare bat sortu eta seinaleztatu da, eta 400 km baino gehiagoko oinezko ibilbideak eta mendiko, errepideko eta gravel bizikleta-ibilbideak gehitu dira. Proiektuaren barruan, hasierako panelak, norabide-seinaleak, balizak eta informazio-kartelak jarri dira, helmugaren irudia Europako kalitate-estandarren arabera bateratzeko.

Ekintza honen bidez, Lizarraldea turismo gogotsuaren eta zikloturismoaren erreferente bihurtzen da, eta bisitaria modu autonomoan eta seguruan mugitzen da lurralde osoan zehar.

Erresuma Zaharraren Bidea

Kodes inguruko 11 udalerri zeharkatzen dituen balio historiko eta paisajistiko handiko ibilbide bat egokitzea eta seinaleztatzea, Villamayor de Monjardín eta Lapoblacion-Meano azpiegitura jasangarrien bidez lotuz. Esku-hartze horrek funtsezko lurralde-egitura bat ematen dio helmugari, eta antzinako trazadura historikoak berreskuratzen ditu zikloturismoan eta xendazaletasunean erabiltzeko. Horrek turismo gogotsuaren eskaintza dibertsifikatzen du. Produktu honek bisitariei ibilbide segurua, ongi seinaleztatua eta ederra eskaintzen die, gure eskualdeko txoko ezezagun bezain liluragarriak ezagutzera gonbidatzen duena.

Zerbitzuak Zikloturistari

Lizarraldea Vasco-Navarro Trenbidearen Bide Berdean bizikleta elektrikoak alokatzeko bost geltoki jarrita finkatu da lehen mailako zikloturisten helmuga gisa. Turicleta App-aren bidez funtzionatzen duten eta estetikoki egurrean integratuta dauden geltoki horiek 155 km-ko autonomia duen gama altuko (BH ATOM SUV PRO) bizikleta elektrikoen flota eskaintzen dute, baita bideozaintzako, karga automatikoko eta familia-ekipamenduaren maileguko zerbitzuak ere, kasko eta haur-aulkiak, esaterako.

Bost geltokietako bat Zuñigako tren-geltoki zaharberrituan dago, zikloturistarentzako harrera-zentro bihurtua.

Beste azpiegitura aipagarri bat Donejakue Bidean eta Lizarraldeko beste puntu estrategiko batzuetan kokatutako hamar aparkaleku seguruko sare berria da, oso-osorik Turicleta App-aren bidez kudeatzen dena. Puntu horiek, aparkaleku zaindua bermatzeaz gain, entxufe adimendunak dituzte, bizikleta partikularrak modu kontrolatuan kargatzeko, eta, hala, energia-kontsumoa optimizatzen da eta erabilera okerrak saihesten dira.

Txirrindulariaren autonomia ziurtatzeko, auto-konponketarako, karga elektrikorako, gurpilak puzteko eta garbitzeko 23 totem jarri dira hainbat herritan. Gune horiek aukera ematen dute doikuntza teknikoak egiteko, gurpilak puzteko eta ekipoak modu autonomoan garbitzeko, eta, hala, mugikortasun iraunkorreko ekosistema bat sortzen da, segurua eta gure lurraldean barrena dabiltzanen beharretara erabat egokitua.

Vasco-Navarro Trenbidearen Bide Berdea

Vasco-Navarro Trenbidearen Bide Berdeak eraldaketa handia jasan du. Ondarea berreskuratuz eta interpretatuz eta soluzio fisikoak eta digitalak integratuz, ibilbide konektatuagoa, adimendunagoa, seguruagoa eta inklusiboagoa bihurtu da trazadura hau.

Bizikleta Elektrikoak Alokatzeko Zerbitzua

Bizikleta elektrikoak alokatzeko zerbitzua jarri da martxan. Alokairuko 5 gune estrategikoki jarri dira Vasco-Navarro trenbidearen Bide Berdean. Zerbitzu berritzaile honek honako hauek eskaintzen ditu:

• Turicleta App-a: Kudeaketa digital osoa aplikazio mugikor baten bidez, eskuragarri dauden bizikletak denbora errealean aurkitzeko, modu autonomoan desblokeatzeko eta ordainketa azkar eta seguru egiteko aukera ematen duena.
• Zerbitzuak eta azpiegitura integrala: Alokairu-puntu bakoitzak, bizikletez gain, segurtasun-ekipamendua du, eta geltoki tekniko gisa funtzionatzen du, konpontzeko tresnekin, puzte-sistemekin, garbiketa-estazioekin eta bateria elektrikoentzako karga-puntuekin.

Alokairu 5 geltoki hurrengo udalerrietan: Antzin, Estella-Lizarra, Metauten, Murieta eta Zuñiga (tren-geltoki zaharraren eraikinean).

Zuñigako Tren Geltokiaren Birgaitzea

Eraikin historiko hau berreskuratu eta zikloturistarentzako harrera-zentro moderno bihurtu da, eta Bide Berdearen gune estrategiko bihurtu. Bizikleta elektrikoak alokatzeko zerbitzua, ibilbideei buruzko informazioa eta eskualdean zikloturismoa sustatzeko atseden guneak eskainiko ditu gune honek. Gainera, kargatzeko, konpontzeko eta garbitzeko gune bat jarriko da bertan, baita eskualdeko informazio turistikoa duen totem digital bat ere.

Bide Berdearen Moldaketa Zubielkitik igarotzean

Pasabide seguru berri bat sortu da, tarte estrategiko horretan zorua eta urak husteko sistema erabat berrituz, asfaltozko tratamendu erosoago eta iraunkorrago bat aplikatuz.

Ekintza horren bidez, zuloak eta putzuak kendu dira, eta zikloturisten zein bizilagunen igarotzea nabarmen hobetzea bermatu da.

Seinaleztapen eta interpretazio irisgarria

Informazio eta interpretazio irisgarrirako euskarriak jarri dira Bide Berde osoan. Vasco-Navarro trenbidearen Bide Berdea erabiltzaile guztientzako ibilbide inklusiboagoa, seguruagoa eta didaktikoagoa bihurtzeko proiektua da. Seinaleztapen-elementuak eta interpretazio-panelak jarri dira, irtenbide fisikoak eta teknologikoak integratzen dituztenak:

• Ondarearen interpretazioa: Ibilbidearen baliabide natural eta kulturalak balioan jartzen dituzten interpretazio-mugarriak jarri dira, zikloturistaren eta ibiltariaren esperientzia aberastuz, Bide Berdearen eta lurraldearen historiarekin lotzen diren edukien bidez.
• Segurtasuna eta orientazioa: Norabide eta zerbitzuen seinaleak indartzea bideko puntu gakoetan, bisitariaren autonomia hobetuz eta hiriguneekin eta gertuko baliabide turistikoekin lotura erraztuz.
• Irisgarritasun unibertsala: Diseinu unibertsaleko irizpideen arabera diseinatutako informazio-euskarrien instalazioa. QR kodeen eta beste baliabide teknologiko batzuen bidez, kapa digital bat dute, gaitasun desberdinetako pertsonek informazioa eta autonomia errazago eskura dezaten. Hemen bideo interpretatzaile baten adibidea.

Donejakue Bidea

Gares eta Viana arteko zatia gure eskualdeko ardatz egituratzaile baliotsuenetako bat da, eta dinamizatzaile historiko eta kultural indartsu gisa jarduten du. Hurrengo ekintzek Donejakue Bidearen kalitate estandarra hobetzea dute helburu, erromesen eta bisitarien joan-etorria esperientzia erosoago, interpretatiboago eta bidaiari garaikidearen beharretara egokituago bihurtuz.

Lilura Zaitez Bidean

Ekimen estrategiko bat da, Gares eta Viana lotzen dituen bidearen zatia aurkikuntza sakoneko esperientzia bihurtzeko. Proiektuan 12 gune estrategiko egokituko dira, atseden hartzeko eta itzala egiteko guneekin. Gune horietan, tokiko narratiba historikoa jasotzen duten interpretazio-panel fisikoak eta QRen bidez ikus daitezkeen ikus-entzunezko eduki irisgarriak dituen geruza digital berritzailea txertatuko dira. Ekintza honi esker, Bidea ez da bakarrik egiten, baizik eta Lizarraldearen esentziarekin lotuta ulertu eta bizi dela. Ekimen honek hainbat ekintza biltzen ditu, hala nola:

• Zuhaitzak landatzea: 12 mugarri estrategikotan atsedenerako eta itzala egiteko eremuak sortzea, tamaina handiko 240 zuhaitz landatuta.
• Interpretazio panelak: Enklabe bakoitzak panel bikoitza izango du: batek, lekuko pasadizoekin zerikusia duen edukia izango du, eta besteak, paisaia izango du ardatz.
• Eduki digitalak: Panel fisiko bakoitzean QR kodeen sistema bat eskaintzen da, bideoekin informazioa zabaltzeko. Bertan, Flandesko Aymeric Picaud eta Girberga, Codex Calixtinus-aren egileak (Donejakue Bideko lehen gida, XII. mendekoa) eta gaur egungo pertsonaiak solasean ari dira, toki bakoitzeko historia eta bitxikeriak ezagutzera emateko, informazio-paneletako informazioa osatuz.

Aparkaleku Sare Segurua

Otro de los mencionados nuevos servicios al cicloturista es la nueva  red de 10 aparcamientos seguros e inteligentes a lo largo del Camino de Santiago y otros puntos clave de Tierra Estella, accesibles mediante la App Turicleta y con puntos de recarga. Se trata de aparcamientos seguros para prestar un servicio de guarda y custodia de bicicletas a cicloturistas de largo recorrido. Dichos aparcamientos seguros se encuentran en:Zikloturistarentzako beste zerbitzu berri bat 10 aparkaleku seguru eta adimendunen sare berria da, Donejakue Bidean eta Lizarraldeko beste puntu garrantzitsu batzuetan barrena doana. Aparkaleku horiek Turicleta App-aren bidez kudeatzen dira, eta kargatzeko puntuak dituzte. Aparkaleku seguruak dira, ibilbide luzeko zikloturistei bizikletak gorde eta zaintzeko zerbitzua emateko. Aparkaleku seguruak hemen daude:

• Zirauki
• Estella-Lizarra
• Gesalatz
• Los Arcos
• Mañeru
• Mendabia
• Torres del Río
• Viana
• Villamayor de Monjardín
• Zudairi

Turismo Gogotsuko Bestelako Proiektuak

Aurrekoen osagarri diren bestelako proiektu batzuk ere garatu dira. Jarduera horiek abangoardiako zerbitzu teknikoak eta ibilbide-eskaintza dibertsifikatua ematen dizkiote lurralde osoari, eta, horri esker, turismo gogotsuaren eragin positiboa modu orekatuan banatzen da gure udalerri guztietan.

Andosillako Ontziralekua

Andosillan, Ega ibaiaren erriberan, ibai-ingurunea turismorako egokitzeko proiektu integral baten barruan, ontziraleku berri bat eraikitzeko beharrezkoak diren azpiegitura-lanak egin dira. Eskualdean turismo gogotsuaren eskaintza dibertsifikatuz eta ibai-aisiarako sarbidea erraztuz, erribera kalitatezko turismo baliabide gisa finkatuz, jasangarria eta Lizarraldearen dinamizazio planaren barruan egituratua.

“Abartzuzatik Irantzuko Monasteriorako Bidea” proiektuaren erredakzioa

Abartzuza eta Irantzuko Monasterioa lotuko dituen bidexka bat egokitzeko behar den proiektu teknikoa erredaktatzea. Oinezkoentzako konektibitatea eta mendi-ibilien eskaintza hobetzea, kultura eta natura interes handiko ingurune batean, eta bisita-esperientzia osoagoa eta egituratuagoa bultzatzeko. 

Lizarraldeak apustu irmoa egin du bere ondareari eta kultura-eskaintzari balioa emateko, ondare historiko bikaina eta aro digitaleko teknologiarik aurreratuenak uztartuz. Produktu berri honen helburua ez da gure ondare erromaniko eta defentsibo baliotsua zaintzea eta zabaltzea bakarrik, bidaiariak deskubritzeko duen modua guztiz berrasmatzea ere bada.

Kultur Bitartekotzaren eta Gamifikazioaren Aplikazioa (Erdi Aroko Lizarraldea aplikazioa)

Erdi Aroko Lizarraldearen aplikazio mugikor honek ibilbide interaktiboak, gorabehera historikoak eta eskualdeko ondare baliabideei buruzko erronkak eskaintzen ditu, kontakizun historikoa modernizatuz eta bisita kulturala esperientzia ludiko eta hezitzaile bihurtuz, esperientzia turistikoa ere hobetuz. Aplikazio honek miaketa autonomoa eta dibertigarria errazten du, bidaiariak Erdi Aroko ondarea bere erritmoan ikus dezan misioak burutzen dituen bitartean, eta bisitagatik sariak lortzen dituela.

Ondare-Baliabideen Digitalizazioa

Ekimen honen bidez, interpretazio-gune birtual bat sortu nahi da, “Erdi Aroko Lizarraldea” produktuaren baliabideetarako eduki digital aurreratuak dituena, 360°-ko tour birtualak integratuz, monumentuen bilakaera historikoaren 3D modelatuak, errealitate areagotua eta ondare-baliabideen birtualizazioa biltzen dituena.

Proiektuari esker, bisitariak gure ondare erromanikoaren eta defentsarako ondarearen aberastasuna modu murgiltzailean uler dezake, desagertutako fase arkitektonikoak edo bestela oharkabean pasako liratekeen ezkutuko xehetasunak aurkituz. Hedapen teknologiko horrek abangoardiako tresna bat eskaintzen du plataforma digitalean, aurrez aurreko bisita osatu eta aberasten duena, eta kultura-esperientzia modernoa, irisgarria eta hezitzailea bermatzen duena.

Murgiltze-esperientzia “LUX VIAE”

Villamayor de Monjardingo San Andres elizan murgiltze-esperientzia bat diseinatzea eta ezartzea bideomapping baten bidez.

Proiektu hau Villamayor de Monjardingo San Andres elizan bideomapping iraunkorreko esperientzia berritzaile batean datza, zeinak “biki digital” bat eta zentzumen-gidoi bat erabiltzen baititu lurraldearen esentzia argiaren bidez kontatzeko. Esku-hartze horrek abangoardiako kultura-baliabide bat ematen dio helmugari, ondare erromanikoaren balioa goratzen duena eta bisitariari Donejakue Bidean murgiltze-bizipen paregabea eskaintzen diona. LUX VIAEri esker, Lizarraldeak inpaktu bisual handiko baliabide erakargarri bat du, Erdi Aroko historia eta teknologia aurreratuena lotzen dituena.

Ondare Baliabideen erreprodukzio digitala eta fisikoa

Proiektu honen bidez, Iratxeko monasterioa eta Los Arcoseko Erdi Aroko hiribildua digitalki eta fisikoki birsortuko dira, 3D eskaneatzearen, modelatu birtualen eta monumentu horien bilakaera historikoa erakusten duten maketa fisiko xehatuen bidez. Ekimenak balio bereizgarria ematen dio helmugari, zehaztasun historiko handiko ikusizko eta ukipenezko interpretazioa ahalbidetzen baitu, Erdi Aroko ondarearen ulermena publiko guztientzako esperientzia irisgarri eta didaktiko bihurtuz.

Antso Gartzez I.a eta Andosilla: 1.100 urteko historia bizia deskubritzeko

Antso Gartzez I.a erregearen heriotzaren 1.100. urteurrena ospatzen du, Andosillako Resa parajeari balioa emanez. Leku horretan hil zen erregea, K.o. 925. urtean. Nazio-garrantziko mugarri bat Andosillaren nortasuna eta ondare-erakargarritasuna indartzen dituen aktibo turistiko bihurtuz.

Aranzadi Zientzia Elkartearekin batera bi liburu argitaratu dira: Resako arkeologiari buruzko liburu bat eta bere iturri dokumentalen azterketa bat, hiribilduaren Erdi Aroko ondarea berreskuratuz.

Ibilbide gastronomikoak eta esperientziak diseinatzea

Nekazaritzako elikagaien agenteen inbentarioa aprobetxatuz, Lizarraldeko hainbat paisaia eta ekoizpen-zentro zeharkatzen dituzten 5 ibilbide tematiko diseinatu dira. Proposamenen artean, ardoaren bi ibilbide nabarmentzen dira (Nafarroa JD eta Errioxa JDKa), Gaztaren Ibilbidea, Donejakue Bideko Ibilbide Gastronomikoa eta Tierra Estella Gourmet, bisitak eskaintzen dituzten eskualdeko ekoizle guztiak barne hartzen dituena. Ibilbide hauen helburua ekoizleei, ostalaritzako establezimenduei eta tokiko saltokiei ikusgarritasuna ematea da, hurbileko interesguneekin uztartuz. Gainera, ekintzak esperientzia turistiko enogastronomikoak biltzen ditu, lurraldeko eragile turistikoek merkaturatzeko prest daudenak

Ekoizleen, ostalaritzako establezimenduen eta tokiko saltokien katalogoa

Nekazaritzako elikagaien operadoreen, jatetxe-arloko establezimenduen eta tokiko merkataritzaren inbentario eguneratua egitea. Ekintza honi esker, balio turistikoko zerbitzuak eskaintzen dituzten eragileak identifikatu ahal izan ziren, eskaintza turistikoan eta plataforma digitalean integratzeko.

Jarduera programa

2026ko martxoan garatu egutegi estrategiko bat, turismoaren urtarokotasuna ekiditeko eta lehen sektoreari eta ostalaritzari ikusgarritasuna emateko, Lizarraldea gastronomia jasangarriaren erreferente gisa sendotuz.

• Jarduera enogastronomikoak: sektore pribatuarekin (ostatuak, upategiak eta nekazaritza-industria) zuzeneko lankidetzan egindako 11 ekitaldi tematiko paregabeen zikloa. Jardunaldi horiei esker, bisitariak produktuaren jatorriarekin konektatu ahal izan du, dastatze sentsorialen bidez, elikagaien artisau-tailerren bidez eta ekoizpen-zentroetara egindako bisita esklusiboen bidez.
• Pintxo lehiaketa eta showcooking-a: Eskualdeko produktuak berrinterpretatu zituen lehiaketa profesionala, tokiko ostalaritzarekin batera egindakoa. Programa amaitzeko, publikoari irekitako azken showcooking handia egin zen, eta berrikuntza eta tokiko lehengaiaren erabilera saritu ziren, inguruko sukaldari eta ekoizleen erakusleiho indartsu gisa jardunez.
• Menús con productos locales: Mediante la acción “Menús con Estrella” se implementó una red de restaurantes que ofrecieron menús exclusivos con producto local de temporada, poniendo en valor los productos gastronómicos de la comarca y garantizando que el impacto económico de las campañas revirtiera directamente en los productores de Tierra Estella. Tokiko produktuekin egindako menuak: “Izardun menuak” ekintzaren bidez, jatetxe sare bat ezarri zen, non menu esklusiboak eskaini ziren, garaiko tokiko produktuekin, eskualdeko produktu gastronomikoei balioa emanez eta kanpainaren eragin ekonomikoa zuzenean Lizarraldeko ekoizleentzat izango zela bermatuz.