TEDERek urriaren 15eko Nafarroako kanpaina bultzatuko du: “Landa eremuko emakumeak erabakiguneetan”

Ekimenaren barruan, berdintasunari, generoari eta landatasunari buruzko bost webinarioko ziklo bat egingo da, eta topaketa bat Estellerriko emakume ekintzaileekin, Mendabian

Urriaren 15ean ospatuko den Landa Eremuko Emakumeen Nazioarteko Eguna dela eta, Nafarroako toki eta lurralde entitateetako Berdintasun arloek “Landa eremuko emakumeak erabakiguneetan” kanpaina bultzatzen dute, landa eremuko emakumeek herrien orainean eta etorkizunean duten papera aitortu, ikusarazi eta aldarrikatzea helburu duen ekimena.

Kanpainaren ardatza da partaidetza parekideago baterantz jotzea ordezkaritza- eta lidergo-espazioetan, bai eta erabakiak hartzeko espazioetan ere, emakumeen presentzia areagotuz eta ikusaraztea zer gaitasun duten ekiteko, berritzeko, enplegua sortzeko eta landa-lurraldeetako gizarte- eta komunitate-bizitza indartzeko.

Marko horretan, TEDERek hainbat jarduera egingo ditu landa eremuko emakumeen ekarpenen inguruan hausnarketarako, esperientzia trukaketarako eta aintzatesteko guneak sortzeko. Horrela, erakundeak berretsi egiten du emakumeen eta gizonen arteko berdintasunarekin duen konpromisoa, landa eremuko emakumeen parte-hartzea zailtzen duten oztopoak gainditzeko eta landa garapeneko politiketan genero ikuspegia txertatzeko.

III Webinarioa “Berdintasuna, generoa eta landatasuna”

Urriaren 5etik 9ra | 10:00-11:00 | Online

Programatutako jardueren artean, “Berdintasuna, generoa eta landatasuna” izeneko III. webinarioa dago. Online topaketen zikloa da, eta urriaren 5etik 9ra egingo da, 10:00etatik 11:00etara, eta parte-hartzea doakoa izango da.

Bost saio hauetan zehar, feminismoan, generoan, landa-garapenean eta komunikazioan adituak diren hizlariek hainbat gai jorratuko dituzte: landa-ingurunean oraindik ere irauten duten desberdintasunekin lotutako gaiak, gizarte berdinago baterantz aurrera egiteko beharrezkoak diren aldaketak, eta eraldaketarako esperientzia eta proposamen desberdinak.

“Komunikazioa, AA eta beldurraren horma” jorratuko duen Rosa M. Gil Ruizekin hasiko da saioa astelehenean, urriaren 5ean. Hilaren 6an, asteartean, Coral Herrera Gómezen txanda izango da, “Amodio patriarkalaren deseraikitzea” saioarekin.

Asteazkenean, urriak 7, COMFINeko Eva Istúriz Garcíak “Eragin feminista landa-elkarteengandik” izango du hizpide. Ostegunean, hilak 8, Octavio Salazar Benítezek “Maskulinitatea botere-gailu bezala” aztertuko du. Zikloa urriaren 9an amaituko da, ostiralean, Monica Ramos Toro eta bere “Feminismoak agureak behar ditu” proposamenarekin.

Bost saioak online modalitatean egingo dira eta ordubeteko iraupena izango dute. Izen-ematea doakoa da, eta izena eman ondoren helaraziko da bertara sartzeko esteka.