Adimen Artifiziala Estellerriko merkataritzara iritsi da: kudeaketa eta komunikazioa hobetzeko doako prestakuntza

Irudikatzen al duzu zure burua edukien sorkuntzan denbora aprobetxatzen, minutu gutxiren buruan kanpaina komertzial bat prestatzen edo Adimen Artifiziala erabiliz bezeroekiko komunikazioa hobetzen?

TEDERek, Nafarroako Industria Fundazioaren Acelera Pyme Bulegoarekin lankidetzan, Estellerriko merkataritzari zuzendutako prestakuntza-ziklo berri bat antolatu du, modu erraz eta praktikoan Adimen Artifiziala (AA) negozioaren egunerokotasunean nola txertatu ikasteko.

“Adimen artifiziala zure negozioaren kudeaketa eta komunikazioa hobetzeko” izenburupean, prestakuntzak tresnen ezagutza eta horiek erabiltzen ikastea ahalbidetuko du, merkataritzaren produktibitatea, komunikazioa eta sormena hobetzeko.

Denda txikientzako pentsatutako prestakuntza praktikoa

Adimen Artifiziala tresna lagungarria izan daiteke saltoki batean egin ohi diren lan askotarako. Ziklo honen helburua da parte-hartzaile bakoitzak tresna horiek ezagutzea eta zuzenean bere negozioaren beharretara aplikatzea.

Bi orduko saio bakoitzean, helburu hauek lortzeko lan egingo da:

• Prompt egokiak sortzen ikastea: jarraibide argi eta eraginkorrak diseinatzea, negozioarentzat benetan baliagarriak diren erantzunak lortzeko.
• ChatGPT eta Geminiri etekin handiagoa ateratzea, merkataritzaren beharretara egokitutako trikimailu eta baliabide aurreratuekin.
• Sare sozialetarako eta WhatsApperako edukiak sortzea, establezimendu bakoitzaren nortasunera eta publikora egokituta.
• Bezeroentzako testuak, promozioak, mezuak eta komunikazioak azkarrago idaztea.
• Kanpaina, promozio eta ekintza komertzialetarako ideiak sortzea.
• AA kudeaketa-lanak antolatzeko eta arintzeko erabiltzea.
• Bezeroari arreta hobetzea eta zeregin errepikakorretarako denbora murriztea.
• Irudiak eta ikus-entzunezko edukiak sortzea kanpainetarako eta sare sozialetarako, Leonardo eta Canva bezalako tresnak erabiliz.

 Teoriatik praktikara

Adimen Artifiziala tresna ezezaguna izateari utzi eta merkataritzarako baliabide erabilgarri eta eskuragarria izatera pasatzea da trebakuntzaren helburua.

Adibide praktikoen bidez, parte-hartzaileek jarraibide hobeak ematen, erantzun zehatzagoak lortzen eta AAko hainbat tresna erabiltzen ikasiko dute, lan operatiboa murriztuz, komunikazioa hobetuz eta sormena bultzatuz.

Ez da beharrezkoa teknologian aditua izatea. Prestakuntza hutsetik abiatzen da, eta saltoki bakoitzak AArekin zer betekizun hobe ditzakeen eta hori modu erraz eta seguruan nola egin identifikatu ahal izatea du helburu. Era berean, saltoki txikiei ere lagundu diezaieke modu eraginkorragoan lan egiten, egindakoa hobeki komunikatzen eta beren bezeroengan arreta jartzeko denbora gehiago izaten.

Ziklo honek aukera ematen du, merkataritzarekin lotutako adibideekin eta kasu praktikoekin, tresnak ezagutzeko eta erabiltzen ikasteko.

Formakuntzaren datuak

📆 Datak	2026ko urriaren 6, 8 eta 14
⏰ Ordutegia	14:30etatik 16:30etara
📍 Lekua	TEDER – Zalatambor 10, Estella-Lizarra
🏢 Nork gidatua	MK.comunicación, hizlaria Ione Barcos

 Izena eman

👉 Prestakuntzaren informazioa eta izen ematea

12 lagunei mugatutako prestakuntza

TEDEReko Landa Merkataritza Dinamizatzeko Zerbitzutik, Estellerriko saltokiak animatzen ditugu aukera hau aprobetxa dezaten Adimen Artifiziala gertutik ezagutzeko eta tokiko merkataritzaren kudeaketa, komunikazioa eta lehiakortasuna hobetzeko aliatu nola bihur daitekeen ikusteko.

Acelera Pyme Bulegoaren barruko prestakuntza

Prestakuntza hau Acelera Pyme Bulegoaren baitan dago, Nafarroako Industria Fundazioaren ekimena da, eta Europar Batasunak, Eskualde Garapeneko Europako Funtsaren (EGEF), Transformazio Digitalerako eta Funtzio Publikorako Ministerioaren, eta red.es bitartez kofinantzatuta.